السلام عليكم و رحمة الله وبركاته
أترككم مع قلبي
^
^
كلها عجبني تصويرها عشن كدا حطيتهم
ممكن تستخدم كـ علاقة مفاتيح مثلا
تصوير زوجي
إظهار الرسائل ذات التسميات Crochet. إظهار كافة الرسائل
إظهار الرسائل ذات التسميات Crochet. إظهار كافة الرسائل
الجمعة، 19 أكتوبر 2012
الثلاثاء، 16 أكتوبر 2012
الثلاثاء، 9 أكتوبر 2012
مـفرش لطاولة الصالة
السلام عليكم و رحمة الله و بركاته
نعم ي حضرات لقد حسيت بهذا الإنجاز الفظيع بعد أن أتممت هذا المفرش
مفرش طوله تقريبا متر ، لونه بيج ، الخيط المستخدم babylo 10 بكرة ونص و مدة العمل 3 أسابيع
مشاء الله و الحمد لله
زوووم
و القادم بإذن الله مذهل أكثر بس خلي عيني تتعافى و أشوف صرفة في ضهري
تصوير زوجي
الأحد، 16 سبتمبر 2012
غرزة Crocodile للــكوز
السلام عليكم و رحمة الله و بركاته
و دا كمان عمل تاني أنجزتو أثناء تواجدي في ينبع و الخيط من رزان اللون ألييييييييييم بس طلع حلو في النهاية
دا الإنجاز
^
^
تصويري
طبعا الغرزة غرزة قشور السمك أو Crocodile .. كانت صعبة و مو مفهومة في البداية .. بس صممت أسويها ألين ما عرفت و سارت سهلة .. مع انو البراد صغير بس اخد وقــــــــــــت ألين ما خلص
دا من ورا
تصوير رزان
مفرش صغير لماما ( تدريب على قراءة باترون لأول مرة)
السلام عليكم و رحمة الله و بركاته
و أنا في ينبع أيام بعد العيد جلست أدور حجز عشان أرجع الجبيل لأني تعبت و أنا جاية بالسيارة أنا و لولو
و خلال هادي الأيام جلست أشتغل كروشيه بخيوط رزان و إبرتها الوحيدة
عندها خيطين بسسسسس طفشششت منهم و انا بأشتغل بس شو بدي أعمل
المهم سويت لماما مفرش صغير حطيتو في الصالة.. كان بس إختبار لنفسي في قراءة الباترون و تنفيذه
و الحمدلله نجحت
و دا الـّي طلع معايا
زوووم
الألون تحفة خخخ
الباترون موجود في مدونة شغل إبرة
مفرش كروشيه لغرفة جلستي
السلام عليكم و رحمة الله و بركاته
ما دخلت البلوق من زمان عشن مرض لولو و لخبطة نومووو و عزاااب
الحمدلله
سويت مفرش عالطاولات الجانبية ( طاولات الخدمة ) في غرفة الجلسة
كان إقتراح مرت عمي و كنت من أول أفكر في الموضوع بس بأدور على باترون حلو
( إيوه باترون.. سرت أعرف أقرا باترونات لولولوللي .. علّــمت نفسي بنفسي و مو مرة فنانة بس مشي الحال)
و دا المفرش
^
^
^
زووم
(*_*)
الجمعة، 7 سبتمبر 2012
شنط العيد للبنوتات
السلام عليكم و رحمة الله و بركاته
عيد سعيد و كل سنة و إنتو طيـبـييييين
رمضان السنة دي عدّا زي الهوا :(
بمناسبة العيد كنت بشتغل على شنط زغنطوطة لبنات خالة زوجي .. مرة أحبهم مرة يناس عليهم .. هما 4 بنات صغار تقريبا في الابتدائي و آخر وحدة عمرها تقريبا سنتين سويتلها هيلو كيتي
و عبيتها بالحلويات و الفشافيش و العيديات
^
^
و هادي الهيلو كيتي للصغيرة ^_^
تصوير زوجي
الأربعاء، 8 أغسطس 2012
زوايد الصوف
السلام عليكم و رحمة الله و بركاته
عندي كم صوف كدا ألوانو مش بطالة و زايد عندي بدي أخلص منو في أي حاجة
اخدت كاسة بغطا و سويت عليها كم وردة و حطيتها في الحمام لفرش الأسنان
*_*
بـيـت للـمنـاديــل
السلام عليكم ورحمة الله و بركاته
جبت صوف من باريس عجيب .. و شغلو صعب الصراحة.. هوا عبارة عن شعرررر مشعـّررر بس مرة ناعم و حلوة نتيجته
كنت محتارة ايش أسوي بيه بالزبط .. هوا أنا جبتو لييييه. قام زوجي أقترحلي أسوي بيه بيت للمناديل
عجبتني الفكرة و نفذتها قوامن
و دي النتيجة
^
^
هنا الشعررررررر .. مرة تعبني في الشغل مرة صعب جالسة أشتغل بالبركة خخخ. دخلتلو اللون البيج عشن ينطـّـقـو و وردة على جمب واحد
و هنا الشغل من الجمب
تحسي تبي تعطسي خخخ
Hand's Accessories
السلام عليكم و رحمة الله وبركاته
حبيت أسوي بيت للنضارة الشمسية حقتي ، و مسكت خيطي الي أحبو الملون حق فرنسا ( نزلت صورتو قبل كدا في الدواوير الي سويتها للأكواب ) المهم جيت بدي أتفلسف و أسوي حركات فيها قامت مرررررة ما زبطت للنضارة
قمت أضفت شوية لمسات و قلبتها لـ
^
^
^
ما عرف حسيتو كيوووت و حركات .. يعني وحدة Teen ممكن تلبسو في بارتي دي جي أي حاقة
Backward and forward
^
^
إلي عندو حاجة حاب يصرّفها يقلي أنا أصرّفلو هيا ;)
الثلاثاء، 7 أغسطس 2012
أول تجربة مفرش
السلام عليكم و رحمة الله و بركاته
يعجببببني شغل المفاااارش مرة و أحسو فن و إبداع
عندي الخيط الكريمي حق البيبي و كمان للمفارش قلت خليني أبدأ .. طبعا على كيف كيفي لا بترون ولا يحزنون
الفكرة كانت على أساس دائرة و خارجة منها 5 بتلات .. بس الخيط قليل ما كفاني و كمان اتحمست اخلص بسرعة لانها كانت تجربة بس .. فخلصت على 3 بتلات .. بس أتوقع لو كانت 5 بتلات كان طلعت احلى :D
هادي الخيوط الي استخدمتها
هنا بدأت سويت وردة في النص و بأكبرها بس محشية ما فرغتها كتير.. و دا الي أدى الى انو الخيط خلص
هنا البتلات التلاتة .. أضفتلها ورود على راس كل بتلة بصوف فرنسا الجميل
بس حسيتها صامتة و فيها شي ناقص .. قمت سويتلها حواف بنفس صوف فرنسا البينك المموج
و دا شكلها النهائي
^
^
مفرش صغير يعني يادوب عالكمدينة
زوووووووووووم
زوووووم عالوردة
إن شالله لمن اقضضضضضي خيوط زي دا الخيط ح أجرب اشكال و ألوان تانية
بس أتمنى أعرف اقرا بترون للمفارش عالاقل أتمنى .. نفسي أحد يعلمني :(
و بث *_*
حزر فزر
السلام عليكم و رحمة الله و بركاته
حزر فزر
حزرو اش دا يا ترا يا هل ترا
*
*
*
*
*
*
أكييييد ما حزرتو مو
*
*
*
*
*
تراااااااااااااا
بالله مو خقاق!!
جاتني الفكرة و نفذت على طول عشن ما تروح من راسي، والله طلع شي كيوت حبيتو <3
بأفكر أرجـّع الموضة دي لانها مررررة كيوت و في أكتر من ديزاين في راسي و ان شالله انفذو
على فكرة الخيط دا الي اموت فيه من فرنسا <3 و نزلت صورتو قبل كدا في عمل الدواوير للأكواب
و بث ^^
تصوير زوجي
الاثنين، 6 أغسطس 2012
مفرش زغنبوط
السلام عليكم و رحمة الله و بركاته
المرة دي صنعت شي من شي ... يعني كان في بالي مشروع سكارف رجالي كبير .. الصوف خلص و وقفت ، و جلست القطعة أكتر من سنتين تستنى إيش أسوي فيها ، و أخيرا قلبتها مفرش زغنبوط
و حطيتلو كم وردة عالكورنر و طلع معايا المنظر دا
^
^
يعني اتدبـّر أخيرا . و دحين عندي كمان ورود كبيرة سوتها صاحبتي على اساس تكون "قاعدة" لكاسات الضيوف .. بس ما زبط الموضوع و عندي منها نص درزن مني عارفة ايش اخترعلها اختراع!!
شكلو كمان ح تستنى كم سنة خخخ
^^
بيت للـ GPS
السلام عليكم و رحمة الله و بركاته
لمن زوجي شاف مهاراتي الفردية في شغل الكروشيه ;) طلب مني أسويلو بيت للـ GPS
سويتو بغطا( الكورة تخش في حلقة) عشن يزبط الزبابيط
و دا الي طلع معايا
حمدلله عجبو :D
Round Placemat
السلام عليكم و رحمة الله و بركاته
عندي خيوط من أروع الخيوط الي اشتغلت بيها ... طبعا جبتها من فرنسا
تجنن تجنن بشكل و ممكن تسوي بيها مليون ألف شي بس للاسف الشديد ما جبت منها الا بكرتين مرة مقهورة لي ما قضيت مزبوط منها .. بس حادور عليها هنا في الخبر ان شاء الله ألاقيها و إزا ما لقيتها شكلي ح أحاول أطلبها من النت و الله الميسر
سويت بيه دويرتين زي كدا
أحطها تحت الاكواب مثلا .. واحد ليا وواحد لزوجي
عجببببني الشغل و سويتو بسيط عشن ابغا التركيز عالخيوط و ألوانها اكتر من الشغل و تنوعه
و هادي الخيوط >>
^^ و بث
غطا البراد لـ بابا
السلام عليكم و رحمة الله و بركاته
اممم و انا جالسة أتصفح في النت و تحديدا مواضيع للكروشيه لقيت أفكاااااار تجنن لغطا براد الشاهي..
بما انو بابا حبيبي كيـّيف شاهي أخضر الله يحميه و يرزقه الصحة و العافية حتى يهنأ بالمعيشة، فكرت أسويلو لبراده الخاص منها منظر حلو و منها يحفظلو حرارة الشاهي لانو يحبو حار
و بدأت شغل على كييييف كيفي لاني طبعا لا أعرف امشي على بترون ولا أقرا بترونات ولا شي.. تجيني الفكرة في راسي أو اشوفها ع النت و بعدين أتخيل شغلها كيف و أحيانا اجلس احلم بيه خخخ ألين ما أنجزه و الحمدلله أحيانا كتير بتزبط و احيانا بتطلع تحف الله لا يوريكم
دا الكوز المتواضع
^
^
هوا أول تجربة و إن شالله ليا تجارب تاني بس لمن أنززززل الخبرررر و ألاقي الزامل الي دخت و ما لقيتو و أجمعلي صوف ان شاء الله
و دا من فوق
^
^
و هنا من ورا
^
^
و هنا حركات يعني اني يعني خخخخ
Hocks's bag
بدل ما أجلس أدور و أحوس كل مرة جمعتها كلها في دا العمل البسيط و مرة أرتحت
عشن أضيف عليها لمسة جمالية سويت الوردة بدرجات الموف و حطيتلها طقطق عشن تتقفل
أخدت الفكرة من أسماء خوجة
الاشتراك في:
الرسائل (Atom)